Heiðursgestir Hinsegin bíódaga eru þrír. Breski leikstjórinn Jan Dunn, leikstjóri myndarinnar Gypo (Sígaunapakk) er viðstödd frumsýningu myndar sinnar. Þá kemur Susan Stryker frá Bandaríkjunum til að halda hér fyrirlestur og frumsýnir um leið mynd sína Screaming Queens (Skrækjandi drottningar). Þá njótum við í annað sinn návistar Jankees Boer en hann hefur um árabil verið helsta driffjöður hinsegin kvikmyndahátíða í Amsterdam og reynst ómetanlegur félagi við ráðgjöf og fyrirgreiðslu.